தாயுமானவர் 3

தினம் ஒரு தமிழ்ப் பாடல்
                        - சுப.சோமசுந்தரம்

"ஓட்டுடன் பற்றின்றி உலகைத் துறந்த செல்வப்
பட்டினத்தார் பத்ரகிரி பண்பு உணர்வது எந்நாளோ?"
- தாயுமானவர்

பாடற் குறிப்பு :-
தாயுமான சுவாமிகளின் 'எந்நாள் கண்ணியில்' 'அடியார் வணக்கம்' எனும் 3 வது பகுதியில் 5 வது பாடல். அடியார்களைப் போற்றும் பகுதி 'அடியார் வணக்கம்' ஆகும்.

பாடற்பொருள் :-
உலகப் பற்றினைத் துறந்து திருவோடு மட்டுமே உடமையாகக் கொண்ட 'செல்வந்தரான' பட்டினத்தார், பத்ரகிரி சுவாமிகளின் உயர்வினை (பண்பினை) நாம் உணர்வது எந்நாளோ ?

பின்குறிப்பு :-
பட்டினத்தார் பற்றி அனைவரும் அறிந்திருப்பீர்கள். பத்ரகிரி சுவாமிகள் பட்டினத்தார் சுவாமிகளின் சீடர். அரசனாயிருந்து ஆண்டியானவர் என்று குறிக்கப்படுகிறார். இவரது பாடல்கள்   'பத்ரகிரி புலம்பல்' என்று  தலைப்பிட்டு அறியப் பெறுபவை. இருவரது காலமும் 10 ம் நூற்றாண்டு.

Comments

Post a Comment

Popular posts from this blog

நாடா கொன்றோ காடா கொன்றோ - புறநானூறு

தினம் ஒரு தமிழ்ப் பாடல்                    - சுப.சோமசுந்தரம் "நாடா கொன்றோ காடா கொன்றோ அவலா கொன்றோ மிசையா கொன்றோ எவ்வழி நல்லவர் ஆடவர் அவ்வழி நல்லை  வாழிய நிலனே" --------புறநானூறு 187. பாடற் குறிப்பு : பாடியவர் : ஒளவையார். நாடாக ஒன்றோ, காடாக ஒன்றோ, அவலாக ஒன்றோ, மிசையாக ஒன்றோ எனப் பிரித்தல் வேண்டும். வீட்டிற்குப் பெண்ணும், நாட்டிற்கு ஆணும் என  சமூகம் அமைந்த காலகட்டத்தில், ஆடவர் ஒழுக்கமே உலக மேன்மைக்கு அடிப்படை எனப் பகர்வது இச்செய்யுள். ஆடவர் என்பதை மக்கள் எனவும், நல்லவர் என்பதை கடமையுணர்வு கொண்டோர் எனவும் பொருள் கூறுவார் உண்டு. ஆடவர் என்பதை ஆள்வோர் எனப் பொருள் கொள்வாரும் உண்டு. பாடற் பொருள் : நாடாக இருந்தாலும், காடாக இருந்தாலும், தாழ்ந்த நிலமாக (அவலாக) - பள்ளமாக - இருந்தாலும், மேடான நிலமாக (மிசையாக) இருந்தாலும், எவ்விடத்தில் ஆடவர் நல்லவராய் விளங்குகின்றனரோ, அவ்விடத்தில் மேன்மை பெற்றுத் திகழ்வாய், நிலமே ! பின் குறிப்பு : நாடு என்பது மருதம், காடு என்பது முல்லை, அவல் (பள்ளம்) என்பது நெய்தல், மிசை (மேடு) என்பது குறிஞ...
Read more

உண்டால் அம்ம இவ்வுலகம்

தினம் ஒரு தமிழ்ப் பாடல்                          - சுப.சோமசுந்தரம் "உண்டால் அம்ம, இவ்வுலகம்! இந்திரர்  அமிழ்தம் இயைவ தாயினும், இனிதுஎனத் தமியர் உண்டலும் இலரே; முனிவிலர்; துஞ்சலும் இலர், பிறர் அஞ்சுவது அஞ்சி; புகழ்எனின் உயிருங் கொடுக்குவர்; பழியெனின்,  உலகுடன் பெறினும், கொள்ளலர்; அயர்விலர்; அன்ன மாட்சி அனைய ராகித் தமக்கென முயலா நோன்தாள், பிறர்க்கென முயலுநர் உண்மை யானே !"        ----புறநானூறு 182. (பொருள் கருதி சீர் பிரித்து எழுதப் பட்டுள்ளது) பாடியவர் கடலுள் மாய்ந்த பாண்டியன் இளம் பெருவழுதி. பாராளும் மன்னவரும் பாவலராய்த் திகழ்ந்த சங்க காலத்தில் இவர் பாண்டிய மன்னராய் அறியப் பெறுகிறார். பாடற்பொருள் :- " இவ்வுலகம்  உண்டெனில் இதனால்தான் !" (உண்டால் அம்ம இவ்வுலகம் - அம்ம என்பது வியப்பு குறித்த அசைச்சொல்)  எனத் தொடங்குகிறது பாடல்.  இத்தன்மை உடையோரால்தான் இவ்வுலகம் இயங்குகிறது என்று அத்தன்மைகளைப் பட்டியலிடுகிறார். அவையாவன : இந்திரலோகத்து அமிழ்தமே கிடைத்தாலும், சுயநலத்துடன் இனிய...
Read more

படமாடக் கோயில் ... - திருமூலர்

தினம் ஒரு தமிழ்ப் பாடல்                           - சுப.சோமசுந்தரம் "படமாடக் கோயில் பகவற்கு ஒன்று ஈயின் நடமாடக் கோயில் நம்பர்க்கு ஆங்கு ஆகா நடமாடக் கோயில் நம்பர்க்கு ஒன்று ஈயில் படமாடக் கோயில் பகவற்கு அது ஆமே".         -------- திருமூலர். முதற் குறிப்பு :- திருமூலர் காலத்தில் கோயிலில்  சிற்பங்களுக்குப் பதில் சுவற்றில் வரைந்த இறைவனின்  ஓவியங்கள் (படங்கள்) வழிபடப்பட்ட நிலையும் இருந்தது. பாடற் பொருள் :- படமாடுங் கோயிலில் உறையும் இறைவர்க்கு (பகவற்கு) ஒன்றை அளித்தால், அது நடமாடுங் கோயிலான மனிதர்க்கு (நம்பர்க்கு) - வறியவர்க்கு - சென்று சேராது. நடமாடுங் கோயிலான மனிதர்க்கு அளித்தால், அது படமாடுங் கோயில் இறைவனைச் சென்றடையும். பின் விளக்கம் :- இதன் மூலம் திருமூலர் இறை மறுப்பைப் போதிக்கவில்லை (அவர் சிவத்தில்  உருகியவர்). புற வழிபாட்டை விட அக வழிபாடே இறைவனைச் சென்றடையும் என வலியுறுத்துகிறார். " நலிவுற்ற எம் சகோதர சகோதரிகளுள்  ஒருவருக்கு நீங்கள் செய்ததையெல்லாம் எமக்கே செய்தீ...
Read more